Mkg District Election Officer-i tuyur

Mokokchung, Tsüklai 16 (TYO): Mokokchung DC aser District Election Officer, Sachin Jaiswal IAS-i sangdong ka ajanga, print aser electronic media naprongla nung yimtenren party tem aser candidates advertisement atema yimtenren party tem candidate temi district Media Certification & Monitoring Committee (MCMC) nung certification agizüktsü atema metetdaktsüogo.
District Election Officer-isa, advertisement atema MCMC nungi certification meshitsüji Election Commission of India-i tuyua lir, ta metetdaktsü.
“Yimtenren party mesüra candidates advertisement kar danga certification magi adokra ibaji election inyakyim alema inyakba ta züngshitsü, aser advertisement nung adokba senji candidate indang election expenditure nung dendaktsütsü,” ta DEO Mokokchung-isa metetdaktsü.
Iba dak sendakba nung pai state aser local print media danga, election junga agitsü tanela anema süra mesüra sensotem temetentem anema süra item ama advertisement ji madoktsütsü atema metetdaktsü.