Mkg district kübok polling stations indang draft list yangluogo

Dimapur, August 24 (TYO): Mokokchung district kübok 21-Tuli A/C, 22-Arkakong A/C, 23-Impur A/C, 24-Angetyongpang, 25-Mongoya A/C, 26-Aonglenden A/C, 27-Mokokchung A/C, 28-Koridang A/C, 29-Jangpetkong A/C, 30-Alongtaki A/C polling station tem indang draft list ka adokogo aser Deputy Commissioner & District Election Officer (DC & DEO), Mokokchung nung yua lir, ta Assistant Election Officer & Assistant Electoral Registration Officer, Mokokchung, Alila Chang-i sangdong ka nung metetdaktsü.
Polling station tem indang draft list ji public-i office mapang reprangtsü akok aser ashishitep/kuli kar lira, September 12, 2017 matongdang Deputy Commissioner & District Election Officer, Mokokchung ket nung agütsütsüla. Iba anogo sülen aruba ken o kecha magizüktsü, ta Alila Chang-isa sangdong nung ashi.