Mkg district kübok Sub-division balala nung CFR Training agidar

Mokokchung, June 19 (TYO): Hombarnü Mokokchung district kübok sub-division tenet nung Community First Responder Training (CFR) training kanga takok ngua tenzükogo, ta ketdangsertem osang ka ajanga metetdaktsü.
Iba sentong ya District Disaster Management Authority (DDMA) Mokokchung den Civil Defense & Home Guard-i senteper ayongzük.
Iba training ya June 23, 2017 nü tembangtsü.
Tanü Miss Mokokchung 2016, Kr. Sunepmenla aser DDMA Mokokchung Brand Ambassador aser Runner-up Oienla Jami na den DDMA ketdangsertemia CFR training agiba sub-division tem semdanga liasü.
Brand Ambassador-ia shilem agirtem dang alima lendong balala atalokdang item lendong nungi kümzüka alitsü atema tesayuba kar agütsü.
Kobulong, Chuchu Town, Tuli, Changtongya aser Mokokchung nungi osang ajanga ashiba agi, iba training kanga junga tenzüktetogo.
Ano District Disaster Management Officer Mokokchung, T Wangshi Jamir-ia, training agir nisung noklang aika nem SDRF personals-i training agütsüdar, aser parnok den peipei sub-divisions nungi ToTs-i yaritepdar, ta metetdaktsü.