Mkg district nung NNPGs shinga dena dokan registration magitsü: MCCI

Mokokchung, September 07 (TYO): Mokokchung Chamaber of Commerce & Industry (MCCI) rongdak lokti senden ka mena bangzüng ana renemogo, ta Brihostibarnü MCCI Tir, Tsükti Longkumer aser MCCI tongti tezülur, Limalenden Longkumer nati sangdong ka ajanga metetdaktsü.

Mokokchung district nung business establishments-i Naga yimtenren telok shinga dena ‘Dokan Registration’ magitsü renem, iba den külemi Mokokchung district nung shishilembartemi sorkar mesüra sorkar masüba agency tem, mesüra nija/teloktemi ozüng alema saru meshiba mesüra tenla meshiba kecha magütsütsü ta bangzünga renemogo, ta MCCI lenirtemisa sangdong nung shia lir.