Mkg District review senden amen

Dimapur, January 27 (TYO) : January 27, 2017 nü Mokokchung District nung Programme Officers, SMO’s , MO’s , DPMU aser BPMU staffs district review senden amen.
Senden nung CMO, Mkg. Dr. S.S. Akaba Longchar-i tesentepertem pela agizük aser pai SMOs, MOs dang monthly report junga reprangshimtsü aser record junga bendena ayutsü tetuyuba agütsü.
Paisa, SMOs, MOs dang pei pei Health Units semdangtsü aser nurse o staff tem dang proxy meinyakdaktsütsü atema tetuyuba agütsü.
Health sector nung Block programme managers aser ASHA coordinators-i tongti shilem agir anungji nenoki mapa nendaka inyaktsüla, ta CMO-isa ashi.
Senden nung Dy. CMO, Dr. Kibangkumba-ia Health Unit ajak dang IEC materials ayutsü aser staff tem pei pei lemzükja aliba tesemtem nung mapa inyakdaktsütsü atema inyaktsü mepishia metetdaktsü.
Dr. Temsuyanger DPO (RCH & UIP)-ia Intensified Pulse Polio Immunisation(IPPI) , Mission Indradhanush (MI) aser National De-worming day(NDD ) indang metetdaktsü aser paisa health workers dang peo lemzüka aliba mapa nendaka inyaktsü ayongzük.