Mkg district Swachh Bharat Mission atema metetdaktsür

Dimapur, April 15 (TYO): World Malaria Day nüngtem Mokokchung Town nung koba “Inter-Ward Sanitation Drive Competition” ayonga ali, iba dak sentakba nung Ward ajak nungi Chairman aser Secretary den telongjem senden ka April 12 anogo mena tenüngdaktsü ajak jembiogo.
Anungji Ward balalatem dangi tezüluba shity balaka meyoktsü saka osangkaket ajanga sangdongba agi peridaktsütsü, ta Mokokchung District Swachh Bharat Mission, Information Secretary, Limalenden Longkumer-i sangdong ka nung metetdaktsü.
Ward karnungbo lanurtemi iba tetoktepba dak rangloker joko mapa ilonga tenzüka aoba angashia kanga pelar. Ano tanüngba Ward ajak nung lanurtemi iba tetoktepba asoshi awaa oa mapa inyak tenzüktsü ajungshir.
Ratamataba mesüra jangjashinüba kar lira Mokokchung District Swachh Bharat Mission züngsempurtem den agüja aliba number nung tongtepratebangma: 9436006297/9436016099, ta Limalenden-isa sangdong nung ashi.