Mkg DLSA-i Cure Foundation semdang

Mokokchung, November 15 (TYO): Children’s Day anogomong den külemi tenjitepa November 14, 2017 nü Aongza Ward, Mokokchung nung Mokokchung District Legal Services Authority (MDLSA) Secretary & Judicial Magistrate, Phuleto Yeptho leniba nung Panel Lawyers aser PLV-i Cure Foundation (A Center for Differently Abled Persons) semdanga liasü.
Iba sentong nung jembidang Phuleto Yeptho-i iba centre achaayangertem, talisa iba centre tentetsang, Akangnungba Ao-i senotsü timtem densema timtem aika liaka Cure Foundation nendaka anepalua atema pelaba lemsatep.
Judicial Magistrate-isa staff tem aser tsüraburtem dang pei tajungtiba agi tanurtem aneplutsü metetdaktsüba den külemi senso ajak danga item ama tanurtem yaritsü ajungshia liasü.
Cure Foundation tentetsang aser kibur, Akangnungba Ao-ia Mokokchung DLSA pelaa agizükba den külemi, iba centre lapokba nükjidong ya matamabensar tanurtem nem maongka balaka agütsütsü aser parnoki tanga lenmang ajanga mapa balala inyaktetba sayutsü atema lir, ta metetdaktsü.