Mkg DPDB-i LADP schemes agizük

Mokokchung, July 05 (TYO): Ita shia amenba Mokokchung District Planning and Development Board (DPDB) senden July 5, 2017 nü ADC (Planning) conference hall nung agia liasü.
Mokokchung DPDB Chairman, Merentoshi R Jamir-i DPDB senden nung züngsemtemi shilem tajung agiba atema pelaba metetdaktsü, iba den külemi o lemtepba nung züngsemtemi pei tajungtiba agi shilem agitsü ayongzüka liasü.
Senden nung Mokokchung district atema LADP schemes 2017 agizük aser Eden Academy School, Kumlong Ward, Mokokchung town den DEF New Reserve School Mokokchung agizüktsü atema benoktsü lemteta liasü.
Senden nungsa N.I. Jamir Government Higher Secondary School yanglushitsü atema jembia liasü.
Senden nungsa tang district nung teinyakdak terenlok mapatem reprangshi.
ADC Mokokchung, Sachin Jaiswal-i tawa Mokokchung-i transfer arur ketdangsertem dang board züngsemtem matsüngdang peisasa tejak shiotsü asüngdang, iba den külemi iba senden nung shilem agitsü ayongzüka liasü.
Senden nungsa Parliamentary Secretary, Tourism, C. Apok Jamir aser Parliamentary Secretary IPR Imtikumzuk natia jembia liasü.