Mkg DPDB senden menogo

Mokokchung, Yimpoksüi/November 15 (TYO): Ita shia amenba Mokokchung District Planning and Development Board (DPDB) senden November ita atema tanü, November 15, 2018 nü ADC’s Planning Hall Mokokchung nung menogo, ta ketdangsertem osang ka ajanga metetdaktsü.
Deputy Commissioner & Vice Chairman DPDB Mokokchung, Sachin Jaiswal, IAS leniba nung iba senden amen; senden tenzüka DC-i Board züngsemtem pelaa agizükba den külemi züngsem tasen Rokokhotso Krose, DSO (Sports) metetpelatsü.
Senden tenzüka taoba mapang senden nung lemtetba onüktem meyipa reprangshiba sülen Societies registration agitsü atema recommed asutsü agizük, item rongnung Lenjem Health Care Society aser Meyiset Rubber Producer Society Tzudikong town Tuli na liasü.
Kasa senden nung Mokokchung nung aliba nija hostel tem ‘Evaluation study on Management’ atema District Evaluation Officer Mokokchung-i benokba agizüka liasü.