Mkg IMDH nung “free cancer screening & early detection” camp akatsü

Mokokchung, Oct 28 (TYO): Dr. Imkongliba Memorial District Hospital (IMDH), Mokokchung den külemi yaritepa Eden Medical Center Dimapur aser Seva Bharati Nagaland-i ayongzüka “Free cancer screening and early detection camp” ta sür sentong ka 2nd November, 2019 nü anepdang 9:00 ako nungi tenzüka IMDH Mokokchung nung akatsü, ta iba camp ayonger ketdangsürtemi sangdong ka ajanga metetdaktsüogo.
Nagaland nung cancer kanga bulubaji; teni aser terok (Nasopharyngeal Carcinoma) cancer, Oesophageal Cancer, Cancer Cervix aser mama (Breast) Cancer nungertem lir. Iba camp nungji item cancer atema angati tetendangba (screening) agitsü, ta parnokisa metetdaktsü.
Kar danga temang mashi nung waksüwaklemba aser tetsürtem mama nung awakba, talangka manepba komo (ulcer), ano tetsürtem vaginal discharge, item amala timtema alirtem mesüra tejangrartemi iba camp jagi arua iba maongkaji agitsü akok. Iba camp nung free examination, FNAC, Biopsy, PAP smear-tem inyaktsü, ta parnokisa shisem.