Mkg, Kma nung MDLSA aser KDLSA-i legal awareness sentong agi

Mokokchung/Kohima, August 18 (TYO): August 18, 2017 nü ADC (Planning) Conference hall, Mokokchung nung Mokokchung District Legal Services Authority (MDLSA)-i Juvenile Justice stakeholders den consultative workshop ka ayonga agiogo.
Iba workshop nung Special Juvenile Police Unit (SJPU), Watsu Mungdang, Ao Kaketshir Mungdang (AKM), Mokokchung Town Lanur Telongjem, Observation Home, Child Welfare Committee (CWC) aser MDLSA nungi züngsem 60 shi dena liasü.
Sentong nung Legal Aid Counsel aser Trainer NSLSA, Esther Aye-i Juvenile Justice Act onük nung jembi, Legal Aid Counsel aser Trainer NSLSA, Limhathung Ezung-i stakeholders inyakyim aser teinyaktsü shilem onük nung jembi aser Legal Aid Counsel aser Trainer NSLSA, Limasenla Longkumer-i POCSO Act 2012 aser Nagaland Victim Compensation scheme 2012 indang jembia liasü.
Iba sülen shisa lemsatepba sentong ka agi.
Tanep Chief Judicial Magistrate aser MDLSA Secretary, Phuleto Yepto-i lokti pelaa agizüka liasü. Panel Lawyer MDLSA Sentinaro Longchar moderator liasü aser iba sentong ya PLV MDLSA, Bendangla leniba nung agia liasü.
KOHIMA: Ano Kohima jila nunga August 18, 2017 nü Kohima District Legal Services Authority (KDLSA)-i “Victim of Drug Abuse and Eradication of Drug Menace Scheme, 2015” onük nung KRIPA Foundation, Kohima den legal Services programme tajung ka ayonga agiogo.
“Victim of Drug Abuse and Eradication of Drug Menace Scheme, 2015” onük nükjidongtem nung ajemdaker Panel Lawyer KDLSA, Nancy Lotha-i, Judicial officer, young lawyer, medical officer, forest ranger, revenue personal, police, NGO aser para Legal Volunteer ajanga Special Units tentetba indang metetdaktsü.
Laisa, Arogotem, school tem, college tem, sex workers, tepoukdak alirtem, juveniles, takoksa angur kibongtem, takoksa angurtem, chemist aser mozü shibelena ayokertem den longjemer amalitepa inyakba ajanga awareness agütsütettsü aser electronic den print media ajanga-a awareness agütsütettsü, ta metetdaktsü.
Lokti pelaa agizükba o jembidang Counselor KRIPA Foundation, Kohima-i KDLSA dang legal awareness sentong ayonga katsüba atema pelaba metetdaktsüba den külemi shilem agirtem dang mangatetjemba ajak marendaki asüngdangtsü ajungshi.
Paisa, tang mezüng parnok atema legal awareness programme katsür, ta metetdaktsü.
Panel Lawyer KDLSA, Nagali Shohe leniba nung iba sentong agi, aser laisa KDLSA-i inyakba mapa balala metetdakja liasü.