Mkg kübok ward ajak nung single use plastic nokdanger

Mkg, June 21 (TYO): June 18, 2019 nü ward authority aser MCCI den senden amendang lemtetba nung ajemdaker ADC & Administrator, MMC, W. Manpai Phom-i sangdong ka ajanga, 50 microns den tajemba single use plastics- plastic cutleries, Styrofoam, thermocol disposable plates/cups, pan/tamul wrappers ajak Mokokchung jila kübok ward 18 prongla nung nokdanger, ta metetdaktsü.
MMC-i ward ketdangsertem den yaritepa mita aotsü aser aibelenertem dang senchi 1000/- achitsü aser maneni aibelenra senchi 3000/- achitsü.
Iba dak alia Mokokchung Municipal jurisdiction nung September 1, 2019 nungi tenzüka tzü litre ka den tajemba pongdang nokdangtsü aser October 2 nungi single use plastic nokdangtsü, ta kasa sangdong nung shia lir.