Mkg Miracle Home nung ‘Revival Camp’ akatsü

Mokokchung, Dec 9 (TYO): Mokokchung nung aliba Miracle Home Prayer & Counseling Centre (MHPCC)-i “Ne lenmang Kibuba nem bendanga agüjang” omen nung ajemdaker MHPCC nung asentenshi sentong ka tan Dec ita 11 nungi 13 tashi ayongzüka lir.

Iba sentong nung Ungma Baptist Arogo Pastor Rev. Noklen Lkr aser Guilt to Grace Ministry Dimapur president Wb. Alemmar nati Tsüngrem osang abentsü aser taneptsüba mapang (healing hour)-a alitsü. Anungji, tejangrar ajak iba sentong nung sarasadema arua temoatsü agizüktsü asoshi MHPCC Pastor Sunep Aieri ayongzüka metetdaktsü.