Mkg nung 2buba round training agitsü

Mokokchung, March 27 (TYO): Mokokchung District Election Officer & Assistant Returning Officer, Rajesh Soundararajan, IAS-i sangdong ka ajanga taruba ok Sabha Elections 2019 aser 26buba Aonglenden Assembly constituency bye election atema polliung personels dang, Presiding Officers aser First Polling Officials atema tanabuba round training ji March 29, 2019 nü Mayangnokcha GHSS nung agitsü, ta metetdaktsüogo.
Iba dak alia Second aser Third Polling Officials atema training ji March 30, 2019 nü kasa tesem nung agitsü, anungji Polling ajak dang iatem aneoogo nung anepdang 9:30 ako nungbosa training agiba tesem tongseptsü ametetdaktsür; tashi mangartem nem tapet temerenshi agütsütsü, ta kasa sangdong nung shia lir.