Mkg nung 2nd Master Shield Cricket trophy asayar; (Titans aser Züngamedemi takok angu)

Mokokchung, March 22 (TYO): Mokokchung District T20 Cricket Federation (MDT20CF) teloki ayongzükba 2nd Master Shield Trophy tan March ita 20 nungi tenzüka yangi Imkongmeren Sports Complex Mokokchung nung asayadaki.
Taküm iba asayamung nung tanga district nungi densema telok ajak agi 10 lir. Asayamungji pool A & B ta küm küma lemsar knock-out yimya nung asayar.
Tanü (Mar 22) mezüng asaya nung Titans ‘A’ aser Vincent na asayaba Titans A-i run 6 agi akok. Iba asaya nung Titans pur mezüng bat asü aser parnoki over 20 nung wicket 9 tsüker run 78 yangluteta liasü. Ibaji Vincent teloki arishitsü merangdang saka parnoki over 20 matem tsüngda run 72 dang yangluteter wicket ajak tsükadok. Iba asaya nung Titans nungi Woban-i over 3.5 nung wicket 4 agi aser run 20 dang agütsüba ajanga par teloki Vincent madak takok tulu angu.
Tanabuba asaya nung Züngamedem o Trebuchet na asayaba Züngamedemi mezüng bat süa parnoki 20 over nung wicket 6 tsüker run 119 yanglutet aser Trebuchet-i 19.3 over nung run 112 dang yanglur wicket ajak tsükadok nung Züngamedemi run 7 agi akok. Iba asaya nung Züngamedem nungi Rongsenyanger aser Sosang nati run metsür tenet-net (27 each) yanglua kanga junga asayaba ajanga par teloki Trebuchet madak takok angu.
Iba asayamung nung shir teloki champion bendir, parnok nem senpet asayamung marok den kuli kaket aser sen 35,000/- aser runner-up nem kuli kaket den sen 15,000/- agütsütsü. Iba dak alaka ano nija senpet/sempet; Man of the Series, Best Batsman (highest run taker), Man of the Match final itemji agütsütsü, ta angazüker.
Iba asayamung asayatsü asoshi Nehru Yuva Kendra Shangthan (NYK)-i teyari tulu agütsüba asoshi MDT20CF tir Yanger Jamiri pelaba metetdaktsü. Iba asayamung ya honibarnü tashi asayaa amungtsü.
March 23 (Thursday) nü mezüng asaya Titans ‘A’ aser Viking na anepdang 10:00 ako nungi tenzüka kasa ISC moapu nung asayatsü.