Mkg nung 5MVA transformer raksaogo

Mokokchung, July 15 (TYO): July 15 anepdang 4:00 ako meta Mokokchung power house nung 5 MVA power transformer raksaogo, iba ajanga Mokokchung town aser temeket yimtsüngtem nung light akhi marutsü, ta Mokokchung Electrical Division Executive Engineer Er. N. Mozhui-i sangdong ka ajanga metetdaktsüogo.
Iba dak sentakba nung akhi ama light arutsü atema department-i tekaratiba nung akokba tashi yanglushiba maparen balala inyakdaki, ta paisa ashi. Anungji, nüburtemi iba timtemji angateta aremzüka atatsü asoshi paisa mepishia metetdaktsü.