Mkg nung alirtemi Himalayan Cleanup Campaign nung shilem agi

Mokokchung, Monupii/May 26 (TYO): Mokokchung jila temerükba akümtsü atema inyaker telok, Clean Mokokchung Campaign-i ayongzüka Mokokchung jila nung Himalayan Cleanup campaign agiogo; iba sentong ya tanü India nung state 12 nung ayongzüka agi.
Iba campaign nung Mokokchung police densema lokti tentet balala, Arogotem aser ministry balala nungi nisung 300 dak temai shilem agia liasü.
Mokochung Police, Ao Kaketshir Telongjem, Mokokchung Motorcycyle Association, AA Mokokchung aser Childline Centre, Mokokchung densema lokti tentet balalai shilem agiba ajanga mapa tajung ka atema Mokokchung sensotem longjemba temaitsü sayuogo.
Clean up campaign ji Old Town Hall tesem nungi tenzük aser parnoki MMC Complex, Police Point Area, Police Station I-i aoba lenmang Yongpang market aser police point tashi aoba lenmangtem ajak merükteta liasü.