Mkg nung April 2-4 anogotem nung EVMS & VVPATS renemshitsü

Mkg, April 01 (TYO): Mokokchung Deputy Commissioner & District Election Officer, Rajesh Soundararajan, IAS-i sangdong ka ajanga, Lok Sabha aser 26 Aonglenden A/C Bye-election atema April 2 nungi April 4 tashi anogoshia anepdang 9:00 ako nungi Town Hall, Mokokchung nung EVMs aser VVPATs renemshitsü, ta metetdaktsü.
Iba maparen atema candidates aser yimtenren party tem dang arua kulisüa reprangtsüla mesüra züngsem kar yoktsüla, iba dak alia mock polls atema nübo peria yoktsüla, ta kasa osang ajangasa metetdaktsü. Town hall telung nung Mobile phones densema electronic oset kecha memelatsü, ta kasa osang ajanga metetdaktsü.