Dimapur, January 20 (TYO): Mokokchung Town Ao Arogotem ajak nung asentenshi tulu sentong ‘Tesübuba Asentenshi Tzünglu’ January 22-24, 2016 akatsü renema lir.
Iba asentenshi sentong nung Aor sayutsüngir terana-i (12) onük jembitsü aser counsellor lir-i (40) juri counselling agitsü. Iba asentenshi sentong ya Aor revival nung sayutsüngirtemi ayonger aser Mokokchung Town Baptist Churches Mission-i (MTBCM) achaayanger aser Alempang Baptist Arogoi par Arogo Silver Jubilee tenüng nung senotsü ajak agüja mungdaktsür.
“Iba sentong tulu ajanga ajak temoatsü agitsü imlar,” ta MTBCM mendenbuba aser Mokokchung School Compound Baptist Arogo Pastor, Wb.Mangyang-i sangdong ka ajanga metetdaktsü.
You must be logged in to post a comment Login