Mkg nung Ayushmann Bharat National Health scheme tenzük

Mokokchung, Rongjui/September 23 (TYO): India linük ajunga den külemi Mokokchung nunga tanü nikongdang IMDH Mokokchung nung Deputy Commissioner, Sachin Jaiswal IAS-i sentong ka ayongzüka Ayushmann Bharat National Health Protection Mission (NHPM)/Pradhan Mantri Jan Arogya Yojna (PMJAY) scheme mapatong tenzüktsüogo, aser Golden records (e- cards)-a agutsü, ta tanü ketdangsertem osang ka ajanga metetdaktsü.
AB-NHPM/PMJAY scheme ya tongtibangsa koda masüba, sensaker aser nüngdakba kibongtem asoshi shirangshikoba maparen nung teyari agütsütsü atema tenzükba scheme ka lir.
AB-NHPM/ PMJAY ya alima nung health assurance tulutiba lir, aser iba ya ajanga nisung crore 50 dak tema nem tajangzük agutsütsü alizüng lir.
Dr P. Medemmayang Medical Superintendent IMDH Mokokchung-i tepela anküp o jembia liasü aser iba mapang nung pai shilem agir ajak dang pelaba lemsatep.
Iba sentong ya Dr Kibangkumba Dy. CMO, District Nodal Officer for AB- NHPM/ PMJAY leniba nung agi aser paisa AB-NHPM/ PMJAY indang temetettsütem, temsüa alirtem, hospital empanelment aser NHPM pilot testing indang metetdaktsü.