Mkg nung azü nem vaccine agütsütsü

Mokokchung, August 30 (TYO): Mkg ADC aser MMC Administrator, W. Manpai Phom-i sangdong ka ajanga, September 6-7, 2019 anogotem nung Municipal area nung azü registration agiba den vaccine agütsütsü, ta metetdaktsü.
Azü registration aser Vaccination sentong ya Animal Husbandry & Veterinary Services Mkg, AWUM aser MMC nati ayongzüker.
Azü vaccine ji September 6 anepdang 8:00 ako nungi Sungkomen, Tongdentsuyong, Alongmen, Dilong, Alempang, Salangtem, Penli, Sangtemla aser Arkong ward nung agütsütsü aser September 7, 2019 nü 8:00 ako nungi Aongza, Kumlong, Kitchutip, Ardang, Majakong, Marepkong, Lijaba Lijen, Mongsenbai aser Yimyu ward nung agütsütsü.
Iba dak sendakba nung ward balala nung yimsüsürtem dang iba dak sendakba facilities renema atatsü aser A.H & Veterinary services department team den yariteptsü atema ward shia nungi nisung anana lemzüktsütsü metetdaktsür, ta kasa sangdong nung shia lir.
Registration tasen/renewal/vaccine fees aser utilization senotsüji akhi ama asütsü aser peipei ward Chairman-i renewal atemabo registration card nung sign asütsü.
Iba dak alia ward balala nung Chairman/Secretary dang registration agiba sülen anogo ana tsüngda registration report agütsütsü metetdaktsür, ta kasa sangdong nung shia lir.