Mkg nung Blossoms Summer School temogo

Dimapur, July 3 (TYO) : Blossoms Pre-School Mokokchung nung June 23 nungi tenzüka July 2, 2016 tashi Blossoms Summer School agia liasü.
Iba summer school nungsa arishi küm 8 nungi 15 tsüngda tanurtem asoshi graduation programme ka agi.
Iba sentong ya Blossoms Pre-School, Mokokchung Proprietor, Sashinungla Nathan-i ayongzük.
“Blossoms Summer School nung onoki tanurtem longjemer telok balaka tentettsü alizüng lir. Iba telok sasep nung tanurtemi kidang nungi pilar pei dang temulung lemtetba tangatetba angur” ta Sashinungla-i ashi.
“Iba sentong nung tanurtemisa social skills angazüker. Sodi mapang tanurtem mapang amajok nung endokba danag nungi iba summer school nung adenba ajanga tangazkba jenti angur” ta laisa shisem.
Iba Summer School nung shisalen sayurtemji, Adang (dance track), Asen A. Jamir (Fine Arts) aser Along & Tali (Bible classes) liasü.