Mkg nung BRIDGE training agidar

Mokokchung, Metsüremi/March 01, 2019 (TYO): Mokokchung District-i ayongzüka February 28 nungi tenzüka IDSP conference hall, IMDH Mokokchung nung Boosting Routine Immunization and Demand Generation (BRIDGE) indang District level training agidar, ta tanü ketdangsertem osang ka ajanga metetdaktsü,
Chief Medical office Mokokchung sangdong ka ajanga, iba sentong ya nüburtem rongnung loktiliba nung temelenshi adokdaktsütsü atema frontline workers capacity development atema lir, ta ametetdaktsü.
Health delivery system aser nüburtem tsüngda apu latsüba frontline functionaries lir; parnoki awareness agutsütettsü aser vaccice agitsü atsüayongba nung nüburtem nem tangatetba tajung agutsütettsü, koba ajanga nüburtem noklakng shilem vaccine agitetba nükjidong ataloktsü, ta kasa osang ajanga metetdaktsü.
Dr.Ayangla Saku DPO ( UIP & RCH)-i training agirtem pela agizük aser onük jembia liasü.
Training agirtem rongnung ANMs, ASHAs aser AWWs lir.