Mkg nung Clean Election indang Pledge Card alemtsü

Dimapur, March 9 (TYO) : Election dak sendakba maparen aser osangtsüsang tali metetpelatsü atema Clean Election indang Pledge Card alemer, ta Mokokchung Deputy Commissioner, Sushil Kumar Patel IAS-i sangdong ka nung metetdaktsü.
Mokokchung District kübok aliba Assembly Constituency 10 prongla nung Booth Level Officer temi electoral Roll nung alirtem nem Pledge Cards agütsütsü, ta paisa ashi.
Iba dak sendakba nung District Election officer, Mokokchung-i registered voter ajaki tenangzükba agitsü aser March 21, 2016 anogo matongdang Booth Level Officers nem meyipa agütsütsü mepishir, ta Mokokchung DC-isa metetdaktsü.