Mkg nung Crackers/Fireworks nokdanger; Akshi seret nung sen 200 agi ayoktsü

Dimapur, December 14 (TYO) : Mokokchung jila nung Crackers/Fireworks ayoktsü aser apoktsü memelar, ta Mokokchung Additional Deputy Commissioner & Mokokchung Municipal Council Administrator, Bendanglila-i sangdong ka nung metetdaktsü.
Khristmas aser Küm Tasen benjung tiptema aser timtem melii amungtsü atema iba tenokdangba agütsür. Iba dak sendakba nung tsüraburtemi pei tanurtem crackers mapoktsü atema azüoktsü mepishir, ta sangdong nung shia lir.
Maneni, Mokokchung nung akshi rangben ayokdang seret nung sen 155, lepsar ayokba seret nung sen 200, tekolak/tetsüng/tepin aser tar seret nung sen 140 agi ayoktsü latettsür, ta Mkg ADC aser MMC Administrator-isa metetdaktsüogo.
Ano, gari lenmang fast food permit holder tem ajaki merükmejutsü tetuyuba agütsür aser permit melii stall lapoktsü memelar. Aibelenertem ozüng tapet agi merenshitsü, ta laisa shisem.