Mkg nung Dec 3 nü World Disability Day agizüka amungtsü

Mokokchung, Dec 1 (TYO): World Disability Day 2015, Dec 3, 2015 nü anepdang 10:00 ako nungi yangi Mokokchung Town hall nung amungtsü sentong tulu ka renema lir. Iba ya state level sentong lir aser iba sentong nung tongti tesemdanger Dr. Athe Vizol, State Disability Commissioner aser T. Merangtsüngba Aier, Director, Social Welfare tetushi tejaoker alitsü ta MDPA PwDs tir Mary-i metetdaktsü.

Iba sentong ya Mokokchung District Blind Association, Mokokchung District Parents Assoc, PwDS, District Election Office, Mokokchung & DMA (SSA) den lungjemer Care & Support Society aser Dept of Welfare Govt. of Nagaland ajanga ayongerba lir.

Iba anogo ya shi aser shisatsü nung tangar memenepertem atema balaka shiteta amunger asünungji, Mokokchung District nung aliba tsüraburtem aser kinüngertemi parnok ajak anir arua adentsü mepishir, ta laisa shisem.