Mkg nung District Level Quiz Competition & Youth Parliamentary Debate agiogo

Mokokchung, Rongjui/September 26, 2019 (TYO): Dept. of Parliamentary Affairs. Govt. of Nagaland ajanga sponsor süa Mayangnokcha GHSS nung September 26, 2019 Brehostibarnü District Level Quiz Competition & Youth Parliamentary Debate sentong ayongzüka agia liasü, ta osang ajanga metetdaktsü.
Iba sentong nung school 6; Mayangnokcha Govt. Higher Secondary School (MGHSS), Senayangba Government Higher Secondary School(SGHSS), N.I. Jamir Government Higher Secondary School (NIJGHSS), Queen Mary Higher Secondary School (QMHSS), Model Higher Secondary School(MHSS) aser Straightway Higher Secondary School(SHSS) nungi kaketshirtemi shilem tajung agia liasü.
Mezüng Quiz competition ji kaketshir 15 team 5 agi lemsatsür agi, kong Quiz Master ji Aotsung, PGT, MGHSS liasü. Quiz tetoktepba nung item team 5 nungi Tarangbo (SGHSS), Imsutenla P. Lkr (MGHSS) aser Genevieve H. Kiho (QMHSS), par asemi mezüngbuba jenjang nung takok ngua liasü.
Iba sülen, ‘The Youth Parliamentary Debate’ tetoktepba sentong ji “Register of Indigenous Inhabitants of Nagaland (RIIN) a blessing or a Curse” onük nung ajemdaker agia liasü. Iba debate tetoktepba atema Moderator ji Imkongsashi, G/T. MGHSS-i achaayanga agi.
Iba tetoktepba nung motion atema shilem agir team nungi; Opanglemba Kichu (QMHSS)-i Best Debater jenjang nung takok angu. Ano külen, motion anema tokteper team against nungi Supongwati Aier (QMHSS)-i Best Debater jenjang ngua liasü.
Sentong nung Satemkala, ADEO Mokokchung, tetushi tesemdanger ama aruagi dena liasü aser sentong nung jembiba mapang lai kaketshirtem dang pei shisatsü arangshitsü aser tasa den tebilemba tasen angazüktsü atema extra-curricular inyakyimtem nung yakyaka shilem agitsü asoshi ajungshia liasü.
Maneni, iba sentong nung MGHSS nung azünger Imnalemla-i ken tajung ka tenlokja telok saksalemdaktsü. Sentong nung Temsukaba, G/T MGHSS menden liasü aser Sentinenla Sr. Principal MGHSS-i tepela anküp o jembi.