Mkg nung DLVC-i Fair Price Shops semdang

Dimapur, June 3 (TYO) : Public Distribution System (PDS) atema District Level Vigilance Committee, Mokokchung-i Mokokchung jila nung Fair Price Shops semdanga senzü.

FPS ajanga APL, BPL aser AAY nem jang, shini, S.K totzütem lema agütsür aser tangutsüpurtem nem shitak lema agütsütsü nükjidong nung DLVC-i item dokantem sema senzü.

Iba luden nung lennirji ADC Mokokchung Bendanglila lir aser la den EAC Livitoli Sukhalu, Asstt. Director Supply, Lipoknungsang aser Ao Senden o MMC nungi teshimtet nübotemi Mokokchung jila kübok Fair Price Shops 18 nungi 6 semogo.