Mkg nung DMHP atema Medical Officer training agi

Dimapur, March 24 (TYO) : March 22, 2016 nü Mokokchung district kübok Medical Officers ajak DMHP dak sendakba atema training ka ayongzüka gi.
Iba sentong ya IDSP Conference hall Mokokchung nung ayongzüka agi aser CMO Dr.S.S.Akaba-i tadenertem ayongzüka o jembi.
Sentong nung State Programme Officer on Mental Health DHFW Kohima Dr. Leamnyei-i iba inyakyim indang osang lemsatep aser Medical Officers janga iba sentong takok ngua inyaktsü atema mepishia metetdaktsü.
Nodal Officer (DMHP) Dr. A.Temsuyanger-ia DMHP indang osang tejangja metetdaktsü aser Medical Officers-i pei inyakba Health Centres nung iba maparen indang tebilemtsü khurettem metetdaktsü.
Iba sentong nung shisalen sayur Mental Health Institute Kohima nungi Dr. Along-i Psychotic disorders aser Anxiety Disorders indang onüktem jembi.