Mkg nung ‘Dog Registration Cum Vaccination’ agitsü

Dimapur, July 2 (TYO) : Mokokchung jila nung July 5, 2016 nungi tenzüka Dog Registration Cum Vaccination sentong agitsü, ta ADC & Mokokchung Municipal Council Administrator, Bendanglila-i sangdong ka nung metetdaktsü.
Azü kibur ajaki azü anir arua mozü agütsütsü metetdaktsür (yaküm agia alirtemi registration card cum vaccination certificate bener arutsü) aser azü shia vaccine & certificate fee atema sen 50 agitsü, ta Bendanglila-isa shisem.
Iba dak sendakba nung ward ketdangsertemi pei kiyong nung vaccination agitsü atema tesem tajung shimtsü mepishia metetdaktsür, ta laisa ashi.
Anogo aser mapa telemsa:
July 5, 2016- Sungkumen ward, Tongtentsunyong ward & Alongmen ward,
July 7, 2016 Alempang ward, Dilong ward & Sangtemla ward,
July 11, 2016- Arkong ward, Aongza ward & Kumlong ward,
July 13, 2016- Salangtem ward, Kichutip ward & Yimyu ward,
July 15, 2016- Marepkong ward, Mongsebai ward & Artang ward,
July 18, 2016- Penli ward, Majakong ward & Lijabalijen ward.