Mkg nung dokan 2 shibangtsü

Dimapur, March 27 (TYO): March 26, 2020 nü Mokokchung Deputy Commissioner-i tetuyuba agütsüba nung ajemdaker Core Team on Essential Commodities COVID-19-i mita aodang dokan ana shibangtsüogo.
Hokolbarnü mita aodang dokan ana jagi sorkar tetuyuba alema tongtipang nüngdakbatem telong junga ayokba atema aija shibangtsü, ta ADC & Core Team on Essential Commodities COVID-19 Mkg, W. Manpai Phom-i sangdong ka nung ashi.
Dokan anaji M/S Balaji Store (Mar 28 nungi tenzüker anogo 5) aser M/S Gayatri Store (Mar 28 nungi tenzüker anogo 7) atema shibangtsür, ta paisa ashi.
Core Team on Essential Commodities COVID-19-isa Mokokchung nung dokan kiburtem dang ozüng lateta aliba ama inyaktsü metetdaktsüogo.