Mkg nung DPDB senden agi

Mkg, Mongputeni/Oct (TYO): Mokokchung nung ita shia akaba District Planning and Development Board (DPDB), Mokokchung District senden Mongputeni/October 15, 2018 nü ADC (Planning) Conference Hall nung Deputy Commissioner and Vice-Chairman, Mokokchung DPDB, Sachin Jaiswal, IAS lennisüba kübok agiogo.
Taoba ita senden nung lemteta aliba onüktem meyiba reprangshia olemtep agiba sülen iba Board-i Amenty Welfare & Educational Society, Longjang; Ashipong Foundation, Artang Ward, Mokokchung Town aser First Blossom Montessori School, Tuliyong recognition atema approved süa sorkar dangi abentsü lemtet.
Senden agiba mapang nung Nodal Officer (AB-NHPM/PMJAY), Dr. Sentirenla-i Ayusman Bharat -National Health Protection Mission/Pradhan Mantri Jan Arogya Yojna (AB-NHPM/PMJAY) onük nung ajemdaker power point presentation ka agütsü.
Dy. CMO, Mokokchung-i district kübok tesem balala nung tagidak aliba Measles Rubella vaccination indang osang lemsatepa liasü, koba shilem 88.24% tashi ayimjema lir aser aji state nung timtiba asütsü. Nükjidong ayuba takok angutsü asoshi iba vaccination sentong maneni atonga bener aotsü. Vaccination atema DPDB züngsemtemi nüburtem tali ajungshitsü asoshi CMO-i tayongzükba agütsü.
Sachin Jaiswal IAS-i Govt. School tem atema RMSA annual grant kümdanga amshitsü asoshi District Education Dept. dang metetdakja liasü.