Mkg nung English jembiba aser ola adokren sayuba class tenzüktsü

Mokokchung, June 21 (TYO): Mokokchung atema osang tajung kaji July 1, 2017 nungi ‘Speak Up’ ta sür TreeHouse School den külemi English jembiba aser ola adokbaren (Spoken English & Phonetics) sayuba class tenzüktsü.
Iba class-ji tongtibangsa mapa balala inyaker (working professionals), kinüngtsütem, kaketshir aser tejangrartem atema lapoker. Iba course nung talisa oshioben lesson-tem, nisung ka nübusen rendaktsüba aser mapa balala bushidang jembishinütsü tasatem sayutsü.
Iba class nung shisalen sayurtemji; Arenla Lemtur (B.A & PG Print Media) aser Aren Changkiri (M.A Linguistics) na alitsü. “Iba tesayuba tenzükba ajanga nisungtemi English shitak jembiba den ola timi adokteta jembiba tasa angazüktsü imlar,” ta iba osangbeneri Aren Changkiri aser Arenla Lemtur na den jembidang ashi.
Iba course-ji ita asem atema asütsü aser ibaji nikongdang 2:00 ako nung shift ka aser 4:00 ako nung shift ta lemsar agitsü. Tejangrar dang lira kaketshirtem atema meyi sodi mapang crash course agütsütsü mulunga lir, ta parnokisa ashi.
Kari danga iba dak sendakba nung osang tejangja metetnüra phone number 9856853023 nung tongteprateptsü akok.