Mkg nung Ex-Servicemen rally alitsü

Dimapur, Monupii (May) 14 (TYO): Nagaland nung Mokokchung aser Longleng district tem nung alir Ex-Servicemen/Veterans aser Veer Naris/Widows atema rally ka Monupii 17, 2018 nü Brasibhan hall, 44 Assam Rifles nung alitsü.
Sentongji anepdang 9:30 ako nungi tenzüktsü aser pension dak sendakba onüktem, disabled soldiers’ entitlements, ECHS & CSD card, Bank/ CPPC aser Ex-Servicemen-i ajuruba khurettem benoka olemteptsü.
Sentong nung tongti tesemdangerji General Officer Commanding, Jorhat Sub Area Major General Balraj Mehta, Sena Medal asütsü, ta Col C Konwer PRO (Defence)-i sangdong ka nung ashi.
Iba sentong ketdangsüa reprangertem aser parnok indang phone number tem agütsür.
(a) Col M Maniraj, OIC Rally – 9483542766
(b) Hav Chain Singh, Rally NCO – 7002974499