Mkg nung fire crackers nokdanger

Dimapur, October 28 (TYO) : Mokokchung Municipality telongtet nung fire crackers ayokba mesüra apokba nokdangtsü lateta aliba nung ajemdaker Mokokchung District Administration-i iba ozüng agütsüogo.
Fire crackers apokba ajanga lipoküm menentsüba dang masü saka public meinpronger aser menüngdakba tensatem ajurutsüsa akümer. Public kari fire crackers mamshitsü tetuyuba tashi mangar, anungji aibelenertem ozüng tapet agi merenshitsü, ta Mokokchung District Administration-isa metetdaktsü.