Mkg nung Food Processing sentong agi

Mokokchung, September 21 (TYO): Care and Support Society (C&SS) Mokokchung kübok Family Counselling Centre (FCC)-i ayongzüka September 21, 2017 nü Mokokchung nung food processing indang anogo ka workshop agiogo.
Iba sentong nung shisalen sayur, Assistant Technology Manager (ATMA) Mokokchung nungi Kr. Nuksunginla Jamir-i Pleurotus Mushroom Cultivation aser fruit Jelly Pudding indang technology tasen metetdaktsü.
Iba workshop ayonga akaba tongtibangtiba nükjidongji kinüngtsütem chiyungtsü wazüka ayuba mapa meteta akumtsü aser sen arulen lenmang lapoktsü atema liasü.
Iba sentong nung nisung 14-i shilem agia liasü.