Mkg nung hotel, restaurant, bakery-tem mita ao

Mokokchung, Luroi/August 30 (TYO): Food Safty ozüng kübok Directorate of Health & Family Welfare (DHFW) aser District Administration Order dak ajemdaker Deputy Chief Medical Officer Mokokchung, Food Safty Officer, Sanitary Inspector, Inspector MMC den ano district administration nungi EAC parnok 4 dena tawatu Mokokchung yimtiba nung aliba Govt-i anepaluba Circuit House aser Commissioner Rest House densema hotel, restaurants, bakeries-tem mita ogo, ta Mokokchung Dy. CMO, Dr. Kibangkümba-i sangdong ka ajanga metetdaktsü.
Mita aoba mapang Food Safety License, chiyungtsü balala awazürtem, store room, joka aser iba temeket, tzü amshiba tesem/shitokshiradak aser tzü rizünga ayuba tesem, metsümeshidak aser chiyungtsü amshirtem Medical Fitness Certificate, itemji repranga ogo, ta paisa ashi.
Iba mapangji chiyungtsü amshir/awazürtem dang chiyungtsü amshiba yimya aser teka shitokba tasa balala sayua liasü. Tim mesüi ajitetbatem aser tajungba inyaka aotsü/awazüa agütsütsü asoshi hotel/restaurant/bakery kibur (proprietors)-tem nem osang metetdaktsüogo aser itemji anogo 20 tashi nung mapa küma inyaktsü tetuyuba agütsüogo, ta kasa sangdong ajangasa shisem.