Mkg nung Inter-ward Beat Contest agitsü

Mokokchung, Yimpoksüi/Nov. 21 (TYO): Temulunger Telok, Mokokchung-i Dec. 15, 2018 nü Town Hall, Mokokchung nung 3buba Inter-ward Beat Contest ayongzüka agitsü, ta Convenor, Longpok Lemtur-i sangdong ka ajanga metetdaktsü.
Inter ward beat contest ya Mokokchung jila nung kenten toktepba sentong tulu rongnung ka lir, aser iba sentong ya Temulunger Telok-i ayongzüker. Temulunger Telok ya jila nung lanurtemi tentetba telok ka lir, aser iba telok ya jila nung kentenmenü aser sempet ajungkettsütsü nükjidong nung tentet.
Iba sentong ya kiyong balala nung lanurtem tesendaktep tajungba kümdaktsütsü nükjidong nung ayongzüker.
Iba tetoktepba nung Winner aser Runner Up den nija pezü nem senpet den certificates agutsütsü. Iba contest nung kententsü atema tejaokerji ‘Mad Hatter’ asütsü.
Iba sentong atema ticket jenjangji sen 100 asütsü aser nikongdang 4:00 ako nung gate lapoktsütsü. Iba tetoktepba nung jila kübok ward 18 pronglai shilem agitsü akok.
Form submission atema tatembangbuba anogoji Nov. 30 asütsü aser tickets ji The Restaurant nung angutsü.
Tejangrartemi contact 8732082077/9612542371 ajanga metetpelatsü akok.