Mkg nung International Day of people with Disability amungtsü

Dimapur, November 25 (TYO) : Cure Foundation-i Mokokchung Arts and Aesthetics Management aser Ao Milen den yaritepa December 3, 2016 nü International Day of people with Disability sentong ayongzüka amungtsü.
Iba sentongji Town Hall Mokokchung nung anepdang 10:00 ako nung tenzüktsü aser tetushi süa jaokerji ADC (Hq) & Administrator MMC, Bendanglila asütsü.
Sentong nung mendenji Arenla Lemtur alitsü aser Cure Foundation ajanga shilem balala agitsü. Iba sentong nung ‘persons with special needs’ den parnok tsüraburtem ajak arua adentsü jaoker, ta tayongertemi sangdong ka nung metetdaktsü.