Mkg nung Jan 28 nü polio mozü jemdaktsütsü

Mokokchung, Aenjeti 26 (TYO): Tanur arishi küm 0-5 tsüngda alirtem asoshi Aenjeti 28, 2018, Amungnü Intensive Pulse Polio Immunization (IPPI) mozü jemdaktsütsü, ta tanü Mokokchung DPO RCH & UP Dr. Temsuyanger-i sangdong ka ajanga metetdaktsüogo.
IPPI sentong ya India lima anema alitsü asoshi Centre-i inyakba mapatong tulu rongnung ka lir, iba ya tongtibangsa tanurtem matamabensaba dak sendakba tashidak tabu balala samatsütsü nükjidong nung ayongzüka akar.
Anungji, tsüraburtemi pei tanurtem anasa aliba IPPI booth bushia oa polio mozü jemdaktsütsü asoshi kasa sangdong nung shisema liasü. Iba sentong takok angutsü asoshi nüburtem ajaki iba mapa ketdangsür aser teyaritepertem den amaliteptsü asoshia, Dr. Temsü-isa ayongzük.