Mkg nung khen atema town dispensary-ji dental consultant chamber akümer

Mokokchung, April 15 (TYO): April 7 nungi Mokokchung civil hospital (IMDH)-ji Covid-19 hospital akümba ajanga emergency case ajak Lenjem Hospital-i dang yoker, aji saka, Lenjem nungji dental agi timtemertem anepaludak maliba ajanga khen atema Salangtem ward kübok New Market anasa Town Dispensary nungto dental consultant chamber lapoker, ta osang ka ajanga metetdaktsüogo.
Iba den shiranger kar emergency nungdak mapang Lenjem Hospital tashi marutetertemi Yimyu ward nung district jail anasa aliba Urban Primary Health Centre (UPHC)-i anir oa yangji doctor teyari agitettsü akok, ta kasa osang nungsa metetdaktsü.