Mkg nung mezüngbuba SBI e-corner lapokogo

Mokokchung D.C, Sachin Jaiswal (IAS)-i Mokokchung nung mezüngbuba SBI e-Corner lapoktsür külen, SBI ketdangsürtem den külemi tangokba noksa nung angur. Mokokchung, 16th January, 2018

Mokokchung| 16 Aenjeti (TYO): Jan 16 nü Mokokchung Deputy Commissioner, Sachin Jaiswal (IAS)-i Mokokchung nung mezüngbuba State Bank of India pur indang SBI E-Corner ta sür sen ayuba, sen agizükba aser SBI Pass Book update asüba kol (machine) ka lapoktsüogo. Iba E-Corner ya Tir Yimyim office anasa amenoka lir.
Digital India ta sür India sorkar aser financial institutions balalai digital dak sentakba maparen jenti inyaka arudaki, itemji ajanga talisa mapa balala inyakertem mapang kanga kümzükba den nüburtem lenmang aisü nung tajangzük angutsü, ta Mokokchung D.C Sachin Jaiswal-i iba kol lapoktsüba sentong tongmelang ka Imlong Place nung alidang metetdaktsü.
Tanü iba e-corner-ji Mokokchung Town Baptist Arogo (MTBA) Pastor, Rev. Ponen Longchar-i meshiteta sarasdemtsü. Iba sentong nung Digmanu Gupta (G.M, Network-II, SBI, NE Circle, LHO, Guwahati), Debashish Mitra (DGM B&O, SBI, A.O Jorhat), L. Hangshing (Asst. G.M, SBI, RBO Mokokchung) aser Lanuteka Imchen (Chief Manager, Credit Management, SBI, RBO, Mokokchung) parnoki shilem balala agia liasü.
Iba e-corner office nung ya SBI customer-temi sen deposit sütettsü, pass book update sütettsü aser sen a agizüktettsü. Iba e-corner ya 24×7 service agütsütsü aser iba ya ajanga Mokokchung aser kidanger district-tem dena tajangzük ngudaktsütsü merangtsü, ta SBI ketdangsürtemi metetdaktsü.