Mkg nung Naga yimtenren telok shinga dena dokan registration magitsü: MCCI

Mokokchung, November 09 (TYO) : Mokokchung Chamber of Commerce & Industry (MCCI)-i tamalen sangdongba ama, Mokokchung district nung aliba business establishment-i Naga yimtenren telok shinga dena ‘dokan registration’ magitsü ta sangdonger, ta tanü MCCI Tir, Tsukti Longkumer aser tongti tezülur, Limalenden Longkumer nati metetdaktsü.
Sept. 7, 2017 nü rongdak senden ka amenba mapang nung iba onük bangzünga liasü, ta kasa sangdong nungsa shia lir.
Iba dak alia tamalen sangdongba ama, Mokokchung nung shishilembartemi sorkar mesüra sorkar den sendaktepa maliba agency mesüra telok/nijatemi ozüng alema sen saruba mesüra tenla saruba magutsütsü lemtet, ta MCCI-isa metetdaktsü.