Mkg nung NCC 25 NL (I) Coy pur training agir

Mokokchung, Oct 22: 25 Nagaland Company National Cadet Corp (25 NL (I) Coy NCC) Mokokchung-i ayonga NCC cadet pur atema combined annual training yangi CRPF Location, D.E.F Camp Mokokchung nung agidaki. Iba sentong nung 25 NL (i) Coy kübok Mokokchung, Longleng, Mon, Tuensang aser Zunheboto district-tem nungi cadet 350 shi atenshia shilem agia dendaki.
Tetenzük sentong nung Nagaland NCC Group Headquarters Kohima nungi Group Commander Brig. MS Nikam arua training agiba maparen reprangba den sentong nunga shilem agia liasü.
Taküm iba training nung agitsübatemji; Yoga, Physical training, drill, merangpong akaba yimya (small arms firing), süngdong atemba, swach bharat, disaster management, azü tenlaba aser traffic control tesayubatem agütsütsü ta 25 NL (i) Coy NCC osang ajanga metetdaktsü.
Iba training nung district administration-i anir, 31 AR aser 78 CRPF battalion nungertemi lenla balala nung teyari agüja iba training tipdema agidaki. Shilem agir shia iba training agiba ajanga linük yangerba nung shilem agitsü imlar ta kasa osang nungsa metetdaktsü.
Iba training ya tan Oct 30 tashi agitsü ta osang ajanga angazüker.