Mkg nung nübotoka mapa inyak

Dimapur, April 12 (TYO): Mokokchung District Administration-i ayonga department pongu- Superintendent of Police, E.E (R&B) PWD, DPRO, CVO aser E.E (Electrical) longjemer April 12, 2017 anepdang 6:00 ako nungi 9:00 ako tashi nübotoka Clock Tower nungi Police Station-1 tashi merükteta mapa inyaka mungogo.
District administration ketdangsertem, item office nungi tekolakpurtem aser staff temi kilentzü aodak tesemtem merüktet, lenmang nung ongken yanglushi aser janaona merüktetba ajanga iba sentong takok ngua inyakogo, ta ketdangsertem osang ka ajanga metetdaktsü.