Mkg nung OM Books annual book sale tenzükogo

Dimapur, June 28 (TYO) : Mokokchung nung OM Books ajanga kümshia ayongzüka agiba book sale tanü nungi tenzükogo.
Tanü Mokokchung Town Baptist Church (MTBA) complex nung MTBA, Sannüker, Rev Ponen Longchar-i meshiteta sarasademba sülen iba sentong tenzük.
Iba dang Mokokchung Book Lover’s Week ta-a ajar aser June 28 nungi July 2, 2016 tashi alitsü.
Tanü sentong nung Sridhar B.V, Manager, OM Books Dimapur-i tesenteper ajak dang pelaba metetdaktsü aser pai ashiba agi, tazüngertem asoshi kaket tapu balala ajak angutsü.
Taküm book sale nung Khristan kakettem aser sempettem dak alia India aser bendanglen alir Naga nunger kaket zülurtemi züluba kakettem angutsü, ta paisa metetdaktsü.
OM Books annual book sale hopta nung study books, theological books, children books, youth books, family books, counselling books, pastoral ministry books, leadership & management, personality development aser tangatem angutsü.
OM Books ya tongti Khristan kenozülurtem – Zondervan, Baker, Intervarsity Press, Moody Publishers, Holman, Thomas Nelson atema distributor lir. India aser South Asian linüktem nung OM indang retailers 300 den tema lir aser 2009 nungi www.christianstore.in ajanga online marketing tenzük.