Mkg nung Pension payment balala agütsütsü

Mokokchung, Luroi/August 26 (TYO): National Scheme (NSAP) kübok Old Age Pension, Widow Pension aser Disability Pension agirtem ajak dang iba osang ya sangdonger; 2017-18 indang ita 12 atema sanction lemzüktsüogo aser 2018-19 küm ita 6 atema sen lemzüktsüogo aser state scheme kübok Disability & Blind Pension aser Differently Abled Students Scholarship 2018-19 indang ita 12 atema sen lemzüktsüogo, ta tanü District Welfare Officer, Mokokchung, T. Aoakhüm Longchar-i sangdong ka ajanga metetdaktsü.
Iba payment ya August 9, 2019 nungi tenzüka October 19, 2019 tashi nung District Welfare Office, Mokokchung nung office hour mapang nung agütsütsü, ta kasa sangdong nung shia lir.
Beneficiary temi peipei Village Council Chairman/Pastor ket nungi anguba life certificate bener arutsüla. Iba dak alia Aadhaar aser Bank Account magütsüi alirtemia kasa mapang nung itemji agütsütsüla, ta kasa sangdong nung shia lir.

Item anogotem nung tzükong/yim/ward sasep nung lemsar agütsütsü: