Mkg nung pre-matric Scholarship form alemtsü

Dimapur, May 30 (TYO) : June 1, 2016 nungi District Education office, Mokokchung nung class 9 aser 10 nung azünger Schedule Tribe Students indang pre-matric Scholarship application form agütsütsü, ta Mokokchung District Education Officer, I.Satemmenla-i sangdong ka nung metetdaktsü.
Sorkar aser nija school tem nungi Principal/Headmaster-i anepdang 10:00 ako nungi nikongtsütsü 2:00 ako tashi pei pei kaketshirtem indang form agizüktsü metetdaktsür aser form submit asütsü atema tatembang anogoji June 20, 2016 asütsü, ta sangdong nungsa shia lir.
Temetettsütem:
1. Government aser government recognized school nung Class 9 & 10 nung azüngertem.
2. Tsürabur indang annual income lakh 2 tema masütsüla.
3. Kaketshirtemji Schedule Tribe nungi asütsüla.
4. Kaketshirji Centre-i teyari agütsüba tanga Pre-Matric Scholarship magir asütsüla.