Mkg nung R-Day atema sangdong

Mokokchung, Aenjeti 20 (TYO): Tanü Mokokchung Deputy Commissioner, Sachin Jaiswal, IAS-i sangdong ka ajanga Ungma yim, Mokokchung yim, Chuchuyimpang aser Khensa yimtem nungi village council züngsemtem aser GB’s Union, Mokokchung Town nung GBs aser ward 18 nungi tentet nung lenirtem aser jila nung nübur ajak dang akhi ama Aenjeti 26 nü Republic Day sentongji anepdang 8:40 ako nungi Imkongmeren sports complex, Mokokchung nung tenzüktsü, anungji lenirtem aser Mokokchung jila nung nübur ajak dang iba sentong nung medema adentsü mepishir, ta metetdaktsü.
Iba dak alia Mokokchung Deputy Commissioner-isa jila nung aliba sorkar tenzükertem ajak Republic day sentong nung adentsü metetdaktsüogo.
Sorkar ketdangsertem danga iba anogo nung peipei staff tenüng ajatsü (attendance) aser sorkar nem agütsütsü atema DC nem iba osang agütsütsü metetdaktsü.