Mkg nung SBM Awareness Programme cum Social work liasü

Dimapur, October 7 (TYO) : Swachh Bharat Mission (SBM) nung shilem ka ama Mokokchung jila nung Awareness Programme cum Social work ka ayongzüka agi.
Iba sentong ya October 7, 2016 anepdang 6:00 ako nungi 8:00 ako tashi agi aser department ajak nungi sorkar mapa inyakertemi shilem agia liasü.
Imlong Place nung sentong tatsüka agidang, SBM Brand Ambassador, Mokokchung, Supongmeren-i Mokokchung Deputy Commissioner, Sushil Kumar Patel IAS dang pelaba metetdaktsü.
Mokokchung DC-i social work ayongzükba ajanga Mokokchung nung alirtem taginüba tonga inyaktettsü, ta Supongmeren-i ashi.
Paisa, Mokokchung nung alirtem dang jila merüka ayutsü atema tebilemtsü khuret abentsü aser Nagaland nung jila temerüktiba tenüng tajung maneni angutsü atema nübortemi maneni merükmeju mapa inyaktsü ayongzük.
Mokokchung Deputy Commissioner-ia o tatsüka jembidang, Swachh Bharat ya merükmejuba indang lir, anungji SBM ya kija dak nungi adoker, ta ashi.
Sentong nung mendenji EAC (Hq) R. Daniel Angami liasü aser MTBA Asso. Pastor-i temaoatsü meshia sarasadem.
Tanü tesem trok merükmejua liasü aser itemji Sewak gate, IMDH parking lot, MM shopping complex, Police point, Old Town Hall/vegetable market aser Salangtem market liasü.